Dünya Bankı bu il Azərbaycanda keçiriləcək COP29-a töhfə olaraq şəbəkənin gücləndirilməsi layihəsinə maliyyə dəstəyi həyata keçirəcək.
Toplum TV xəbər verir ki, bu, energetika naziri Pərviz Şahbazov ABŞ-a səfəri çərçivəsində qərarlaşdırılıb.
“ABŞ-da Dünya Bankının vitse-prezidenti Antonella Bassani ilə görüşdə COP29-a töhfə olaraq şəbəkənin gücləndirilməsi layihəsinə maliyyə dəstəyinin sürətləndirilməsini razılaşdırdıq. Dünya Bankı Azərbaycanın yaşıl enerji keçidi üzrə nailiyyətlərinin artırılmasına dəstək verməyə hazırdır”, – Pərviz Şahbazov “X“ sosial şəbəkəsindəki hesabında yazıb.
