Ötən gecə Moskvanın Domodedovo aeroportunda saxlanılan azərbaycanlı bloger Kamil Zeynallı azad edilib. Bu barədə Turan-a fevralın 21-də günün ikinci yarısında Azərbaycan Xarici İşlər Nazirliyindən bildiriblər.
Xatırladaq ki, idman blogeri qətl ittihamı ilə saxlanılıb. İttihamı erməni tərəfi irəli sürüb. Ancaq söhbətin hansı cinayətdən getdiyi və məhz kimin öldürüldüyü hələ də aydın deyil. Ermənistan Daxili İşlər Nazirliyi bu suallara dəqiq cavab verə bilməyib.
Azərbaycanın Rusiyadakı səfirliyi Kamil Zeynallıya hüquqi yardım göstərib.
