“Uşaq hüquqları haqqında” yeni qanun layihəsində məktəblilərin qeyri-etik davranışları ilə bağlı xüsusi cəza mexanizmlərinin yaradılması nəzərdə tutulub.
Toplum TV “Report”-a istinadən xəbər verir ki, bunu fevralın 20-də Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdiri Taliyə İbrahimova deyib.
Onun sözlərinə görə, belə hadislər baş verdikdə tədbirlər görülməsi vacibdir, valideynlər isə bu məsələdə daha diqqətli və həssas olmalıdırlar.
Qeyd edək ki, Prezident İlham Əliyev ötən ilin iyun ayında “Uşaqlara dair Strategiyanın həyata keçirilməsi üzrə 2020-2025-ci illər üçün Fəaliyyət Planı” haqqında sərəncam imzalayıb. “Uşaq hüquqları haqqında” yeni qanun layihəsi də bu fəaliyyət planına əsasən hazırlanıb.