Azərbaycan və İran prezidentləri Novruz ərəfəsində Xudafərin körpüsü yaxınlığında görüşəcəklər. Bu barədə Baku.tv-yə müsahibəsində İranın Azərbaycandakı səfiri Seyid Abbas Musəvi bildirib.
İran-Azərbaycan sərhədində prezidentlərin iştirakı ilə Xudafərin və Qız Qalası su qovşaqlarının açılış mərasimi keçiriləcək.
Qeyd edək ki, Azərbaycanın energetika naziri Pərviz Şahbazov danışıqlar aparmaq və bu su qovşaqlarının açılış mərasiminə hazırlıq məqsədilə martın 14-də Tehrana gəlib.
