Qarabağın Xocalı rayonunda su şəbəkəsinin tikintisi zamanı yeni kütləvi məzarlıq aşkar edilib. Bu barədə cümə günü AZTV dövlət telekanalı bildirib.
Mənbənin məlumatına görə, tapılan skeletlərin çoxu uşaqlara və qadınlara aiddir.
Hərbi Əsirlər və Qaçqınlar üzrə Dövlət Komissiyası, eləcə də Azərbaycan Baş Prokurorluğu hələlik bu tapıntıya münasibət bildirməyiblər.
Xatırladaq ki, indiyədək işğaldan azad edilmiş ərazilərdə 1992-1994-cü illər birinci Qarabağ Müharibəsi zamanı ermənilərə əsir düşmüş azərbaycanlı hərbçilərin və mülki şəxslərin basdırıldığı bir neçə kütləvi məzarlıq aşkar edilib.