“Qarabağ” futbol klubu tarixində ilk dəfə UEFA Avropa Liqasının 1/8 finalına yüksəlib.
Toplum TV xəbər verir ki, fevralın 22-də Tofiq Bəhramov adına Respublika stadionunda Portuqaliyanın “Braqa” klubuna qarşı keçirdiyi dramatik oyunda Ağdam təmsilçisi 2-3 hesabıyla məğlub olsa da, iki oyunun nəticəsinə görə mərhələ adlaya bilib.
Səfərdəki 4:2 hesablı qələbə ümumilikdə “Qarabağ”ın 6-5 hesablı qələbəsi ilə nəticələnib.
Beləliklə, “Qarabağ” Azərbaycan futbol tarixində avrokubokların 1/8 finalına yüksələn ilk klub olub. Bu mərhələnin oyunları martın 7-də və 14-də keçiriləcək.