Yaponiyada yeni superkompüterin komponentləri ictimaiyyətə təqdim olunub

Yaponiyada yeni superkompüterin komponentləri ictimaiyyətə təqdim olunub
21:52 15 May 2019
Ölkə mətbuatı
A- A+

Yaponiyalı tədqiqatçılar dünyada ən sürətli yeni nəsil superkompüterin əsas komponentlərini ictimaiyyətə təqdim ediblər.

Milli.Az AZƏRTAC-a istinadən bildirir ki, "RIKEN" Tədqiqat İnstitutu və elektronika sahəsində tanınmış "Fujitsu" şirkətinin ümummilli layihə çərçivəsində hazırladığı yeni kompüter hazırda Yaponiyda istifadə edilən "K" superkompüterinin xələfi olacaq. Bildirilir ki, yeni nəsil superkompüterin yığılmasına cari ilin martında başlanılıb.

Yeni superkpmpüterin müəllifləri kütləvi-informasiya vasitələrinin nümayəndələrinə yeni kompüterin mərkəzi prosessor blokunu nümayiş etdiriblər.

Tədqiqatçılar qeyd ediblər ki, yeni kompüterin mərkəzi prosessor bloku məlumatları "K" modelinin blokundan 20 dəfə sürətlə işləyəcək.

Yeni kompüterin "RIKEN" İnstitunun Kobe şəhərində yerləşən "K" modelini əvəz edəcəyi planlaşdırılır. Yaponiya hökuməti yeni superkompüteri 2021-ci ildən istifadə etməyi nəzərdə tutur.

Milli.Az


Xəbərin orijinal ünvanı: https://news.milli.az/interest/755051.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR