"Şalke"nin baş məşqçisi istefaya göndərilib

"Şalke"nin baş məşqçisi istefaya göndərilib
23:37 14 Mart 2019
99 Digər
Ölkə mətbuatı
A- A+

Domeniko Tedesko Almaniyanın "Şalke" futbol komandasının baş məşqçi postundan istefaya göndərilib.
"Report"un klubun rəsmi saytına istinadən məlumatına görə, bu qərar cari mövsümdə nəticələrin zəifləməsi üzündən qəbul olunub.
"Tedeskonun kənarlaşdırılması barədə qərar ağır oldu. Onun "Şalke"nin inkişafındakı rolunu qiymətləndiririk. Ötən mövsüm komanda irəlilədi və Bundesliqada ikinci yeri tutdu. Amma biz bu mövsüm nəticələrin zəifləməsinə laqeyd yanaşa bilmədik. Vəziyyəti hərtərəfli analiz etdikdən sonra nəticələrin yaxşılaşdırılması üçün dəyişikliyə zərurət duyduq", - deyə "Şalke"nin idman direktoru Yohan Şnayder bildirib.
Domeniko Tedeskonun "Şalke"də son oyunu Çempionlar Liqasında 1/8 final mərhələsinin cavab görüşünə təsadüf edib. Həmin qarşılaşmada Almaniya təmsilçisi İngiltərənin "Mançester Siti" klubuna uduzub - 0:7.

Xəbərin orijinal ünvanı: https://report.az/futbol/salke-nin-bas-mesqcisi-istefaya-gonderilib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR