Bərdə məktəbliləri Cocuq Mərcanlıda

Bərdə məktəbliləri Cocuq Mərcanlıda
12:57 14 Mart 2019
91 Digər
Ölkə mətbuatı
A- A+

Bərdə şəhər 8 nömrəli orta məktəbin bir qrup müəllim və şagirdləri, həmçinin valdeyinlər Cəbrayıl rayonunun Cocuq Mərcanlı kəndinə səfər edib.
"Report"un Qarabağ Mərkəzinin könüllülərinin verdiyi məlumatına görə, Novruz bayramı ərəfəsində gerçəkləşən səfərin məqsədi rayon məktəblilərini erməni işğalından azad olunmuş və hazırda abadlıq-quruculuq işlərinin aparıldığı Cocuq Mərcanlı kəndi ilə tanış etmək, həmçinin, Novruz Aslanov adına Cocuq Mərcanlı kənd tam orta məktəbi ilə əlaqələr qurmaq, təcrübə mübadiləsi aparmaq və şagirdlər arasında dostluq münasibətləri yaratmaqdan ibarətdir.
Qonaqlar ilk öncə Horadiz şəhərində yerləşən aprel şəhidlərinin xatirə kompleksini ziyarət edərək önünə gül dəstələri qoyublar.
Daha sonra məktəbin müəllim və şagirdləri Cocuq Mərcanlı kəndi ilə tanış olub, həyata keçirilən yenidənqurma işləri ilə maraqlanıblar. Onlara kənd haqqında ətraflı məlumat verilib. Həmçinin, Cocuq Mərcanlı kənd tam orta məktəbində yaradılan şəraitlə yaxından tanış olublar.
Bərdə rayon 8 nömrəli məktəbin direktoru Qəmbər Ağayev qeyd edib ki, ki, Boloniya sisteminin mobillik prinsipi çərçivəsində paytaxtdakı ümumtəhsil müəssisələri ilə Cocuq Mərcanlı kənd tam orta məktəbi arasında əlaqələrin genişləndirilməsi məsələsi müzakirə olunub. 
O əlavə edib ki, bu cür səfərlər şagirdlərin hərbi vətənpərvərlik tərbiyəsinin yüksəldilməsinə müsbət təsir göstərir.
Daha sonra məktəblilər ön xətdə xidmət edən əsgər və zabitlərlə görüşüblər. Vətənin keşiyində mübariz dayan hərbçilərə bayram sovqatı verilib. 











Xəbərin orijinal ünvanı: https://report.az/elm-ve-tehsil/berde-mekteblileri-cocuq-mercanlida

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR