"Bavariya"nın qələbəsini arzulayıram" - Qvardiola

"Bavariya"nın qələbəsini arzulayıram" - Qvardiola
14:47 13 Mart 2019
84 İdman
Ölkə mətbuatı
A- A+

"Mançester Siti"nin baş məşqçisi Pep Qvardiola Çempionlar Liqasının 1/8 finalında "Şalke" darmadağınından (7:0, ilk oyun 3:2) danışıb.

Milli.Az goal.az-a istinadən xəbər verir ki, ispaniyalı komandasının inanılmaz oyun sərgilədiyini deyib. "İkinci yarıda tam fərqli oynadıq. Dinamika, sürət, dəqiq ötürmələr 7 qol vurmağa imkan yaratdı. Sanenin çıxışından razı qaldım. İlk 20 dəqiqə ərzində kifayət qədər aqressiv deyildi. Sonrakı oyunu məni qane etdi. Danilonun istənilən mövqedə oynamaq bacarığı var. Bu keyfiyyətinə görə tərifə layiqdir. Rəqibin baş məşqçisi Tedeskonun vəziyyətini anlayıram. Bu cür məğlubiyyət heç bir məşqçinin ürəyincə olmur".

Qvardiola ÇL-nin 1/8 finalında "Bavariya - "Liverpul" qarşılaşmasından danışıb. Çalışdırıcı Münhen təmsilçisini dəstəklədiyini deyib: "Top-klubların qarşılaşması həmişə maraqlı olur. "Bavariya"nın qələbəsini arzulayıram. Özümü klubun bir parçası hesab edirəm. Burada dostlarım çoxdur".

İspaniyalı mütəxəssis 2013-2016-cı illərdə alman klubunu çalışdırıb.

Xatırladaq ki, "Bavariya" - "Liverpul" arasında cavab qarşılaşması bu gün olacaq. İngiltərədə keçirilən ilk oyunda qolsuz bərabərlik qeydə alınıb - 0:0.

Milli.Az


Xəbərin orijinal ünvanı: https://news.milli.az/sport/738546.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR