Azərbaycan “NATO-Gürcüstan Təlimi 2019”da iştirak edəcək

Azərbaycan “NATO-Gürcüstan Təlimi 2019”da iştirak edəcək
16:47 11 Mart 2019
81 Digər
Ölkə mətbuatı
A- A+

Martın 18-29-da Gürcüstanda “NATO-Gürcüstan Təlimi 2019” keçiriləcək.
“Report”un yerli bürosu xəbər verir ki, bu barədə Gürcüstanın Müdafiə Nazirliyi məlumat yayıb.
Komanda-qərargah təlimi Tbilisi yaxınlığında NATO-Gürcüstan Birgə Təlim və Qiymətləndirmə Mərkəzi (JTEC) və Krtsanisi Milli Təlim Mərkəzində baş tutacaq.
Təlimin rəsmi açılış mərasimi martın 18-də Gürcüstanın Müdafiə Nazirliyinın “Armyhall” zalında olacaq.
Təlimdə NATO-ya üzv və Alyansın tərəfdaşı olan, ümumilikdə, 24 ölkə - Albaniya, Belçika, Bolqarıstan, Çexiya, Almaniya, Danimarka, Estoniya, Fransa, Yunanıstan, Böyük Britaniya, Macarıstan, Latviya, Litva, Niderland, Norveç, Polşa, Portuqaliya, Rumıniya, Slovakiya, Türkiyə, ABŞ, Azərbaycan, Gürcüstan, İsveç iştirak edəcək.
“NATO-Gürcüstan Təlimi 2019” birgə çoxmillətli təlimə ilk dəfə olaraq Gürcüstanın Müdafiə Qüvvələrinin Baş Qərargahı rəhbərlik edəcək. Təlimin məqsədi Gürcüstan, NATO-ya üzv və Alyansın tərəfdaş ölkələrinin silahlı qüvvələrinin komanda və nəzarət imkanlarının artırılması, mülki və hərbi şəxslərin əməkdaşlığı, beynəlxalq təşkilatlar və qeyri-hökumət təşkilatlarının cəlb olunması ilə böhran hallarına kompleks yanaşmanın tətbiqini sınaqdan keçirməkdən ibarətdir.
Təlimə Beynəlxalq Qırmızı Xaç Komitəsi (ICRC), BMT-nin Sülhməramlı Əməliyyatlar üzrə Departamenti (DPKO) və Ümumdünya Səhiyyə Təşkilatı (WHO) müşahidəçi və mentor qismində cəlb olunacaqlar.
Qeyd edək ki, birinci “NATO-Gürcüstan Təlimi” 2016-cı ildə keçirilib. 

Xəbərin orijinal ünvanı: https://report.az/herbi/azerbaycan-nato-gurcustan-telimi-2019-da-istirak-edecek

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR